قازاقستان رەسپۋبليكاسى ۇلتتىق ەكونوميكا مينيسترلىگىنىڭ بۇيرىعى №115

2015 جىلعى 20 اقپان,  استانا قالاسى بايقاۋ كەڭەسى مۇشەلەرىنىڭ قىزمەتىن باعالاۋ جانە بايقاۋ كەڭەسىنىڭ مۇشەلەرىنە سىياقى تولەۋ ءليميتىن ايقىنداۋ قاعيدالارىن بەكىتۋ تۋرالى «مەملەكەتتىك م ۇلىك تۋرالى» 2011 جىلعى 1 ناۋرىزداعى قازاقستان رەسپۋبليكاسى زاڭىنىڭ 148-بابىنىڭ 5-تارماعىنا سايكەس بۇيىرامىن: 1. قوسا بەرىلىپ وتىرعان بايقاۋ كەڭەسى مۇشەلەرىنىڭ قىزمەتىن باعالاۋ جانە بايقاۋ كەڭەسىنىڭ مۇشەلەرىنە سىياقى تولەۋ ءليميتىن ايقىنداۋ قاعيدالارى بەكىتىلسىن. 2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ مەملەكەتتىك اكتيۆتەردى باسقارۋ ساياساتى دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ۇلتتىق ەكونوميكا ۆيتسە-مينيسترىنە جۇكتەلسىن. 4. وسى بۇيرىق رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ ۇلتتىق ەكونوميكا ءمينيسترى ە.دوساەۆ. «كەلىسىلدى» قازاقستان رەسپۋبليكاسىنىڭ ءبىلىم جانە عىلىم ءمينيسترى ________ ا. ءسارىنجىپوۆ 2015 جىلعى 20 اقپان «كەلىسىلدى» قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ________ ت. دۇيسەنوۆا 2015 جىلعى 20 اقپان قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 20 اقپانداعى № 115 بۇيرىعىمەن بەكىتىلگەن بايقاۋ كەڭەسى مۇشەلەرىنىڭ قىزمەتىن باعالاۋ جانە بايقاۋ كەڭەسىنىڭ مۇشەلەرىنە سىياقى تولەۋ ءليميتىن ايقىنداۋ قاعيدالارى 1. جالپى ەرەجەلەر 1. وسى قاعيدالار «مەملەكەتتىك م ۇلىك تۋرالى» 2011 جىلعى 1 ناۋرىزداعى قازاقستان رەسپۋبليكاسى زاڭىنىڭ 148-بابىنىڭ 5-تارماعىنا سايكەس ازىرلەندى جانە ءبىلىم بەرۋ جانە دەنساۋلىق ساقتاۋ سالالارىندا شارۋاشىلىق جۇرگىزۋ قۇقىعىنداعى مەملەكەتتىك كاسىپورىندارداعى بايقاۋ كەڭەستەرى مۇشەلەرىنىڭ قىزمەتىن باعالاۋدى جۇزەگە اسىرۋ جانە بايقاۋ كەڭەسىنىڭ مۇشەلەرىنە سىياقى تولەۋ ءليميتىن انىقتاۋ ءتارتىبىن ايقىندايدى. شارۋاشىلىق جۇرگىزۋ قۇقىعىنداعى مەملەكەتتىك كاسىپورىنداردىڭ بايقاۋ كەڭەستەرى مۇشەلەرىنىڭ قىزمەتىن باعا­لاۋ بايقاۋ كەڭەستەرىنىڭ مۇشەلەرى قىزمەتىنىڭ تيىمدىلىگىن جانە سىياقى مولشەرىن ايقىنداۋ ماقساتىندا جۇزەگە اسى­رىلادى. بايقاۋ كەڭەستەرى مۇشەلەرىنىڭ قىزمەتىن باعالاۋ جىل سايىن مەملەكەتتىك كاسىپورىنداردىڭ اۋديتتەلگەن قارجىلىق ەسەپتىلىگى بەكىتىلگەننەن كەيىن كۇنتىزبەلىك وتىز كۇن ىشىندە جۇرگىزىلەدى. 2. بايقاۋ كەڭەسى مۇشەلەرىنىڭ قىزمەتىن باعالاۋدى جۇزەگە اسىرۋ ءتارتىبى 2. بايقاۋ كەڭەسى مۇشەسىنىڭ قىزمەتىن باعالاۋدى وسى قىزمەتتەگى ونىڭ ءبىر جىلدىق جۇمىس قورىتىندىلارى بويىنشا جىل سايىن ءتيىستى سالانىڭ ۋاكىلەتتى ورگانى (جەرگىلىكتى اتقارۋشى ورگان) جۇرگىزەدى. شارۋاشىلىق جۇرگىزۋ قۇقىعىنداعى مەملەكەتتىك كاسىپورىننىڭ بايقاۋ كەڭەسى مۇشەلەرىنىڭ قىزمەتىنە باعالاۋ جۇرگىزۋ ماقساتىندا ءتيىستى سالانىڭ ۋاكىلەتتى ورگانى (جەرگىلىكتى اتقارۋشى ورگان) قۇرامىن ءتيىستى سالانىڭ ۋاكىلەتتى ورگانى (جەرگىلىكتى اتقارۋشى ورگان) قالىپتاستىراتىن جانە بەكىتەتىن كوميسسيا (بۇدان ءارى – كوميسسيا) قۇرادى. 3. كوميسسيا القالىق ورگان بولىپ تابىلادى. 4. كوميسسيا قۇرامىنا مىندەتتى تۇردە ءتيىستى سالانىڭ ۋاكىلەتتى ورگانىنىڭ (جەرگىلىكتى اتقارۋشى ورگاننىڭ) ءبىرىنشى باسشىسىنىڭ ورىنباسارى ەنگىزىلەدى. 5. كوميسسيا توراعاسى ونىڭ قىزمەتىن باسقاراتىن, كوميسسيا وتىرىستارىندا توراعالىق ەتەتىن, جۇمىسىن جوسپارلاپ, كوميسسيا شەشىمىن ىسكە اسىرۋعا جالپى باقىلاۋدى جۇزەگە اسىراتىن ءتيىستى سالانىڭ ۋاكىلەتتى ورگانىنىڭ (جەرگىلىكتى اتقارۋشى ورگاننىڭ) ءبىرىنشى باسشىسىنىڭ ورىنباسارى بولىپ تابىلادى. 6. كوميسسيانىڭ كۇن ءتارتىبىن, قاجەتتى قۇجاتتاردى, ماتەريالداردى دايىنداۋدى جانە كوميسسيا وتىرىسىنىڭ حاتتاماسىن رەسىمدەۋدى كوميسسيا مۇشەسى بولىپ تابىلمايتىن كوميسسيانىڭ حاتشىسى جۇزەگە اسىرادى. 7. كوميسسيا توراعاسى كوميسسيا وتىرىسىنىڭ ءوتۋ كۇنىن ايقىنداۋ تۋرالى شەشىم قابىلدايدى, وعان كوميسسيانىڭ بارلىق مۇشەلەرى قول قويادى. 8. كوميسسيا وتىرىسى كوميسسيا توراعاسىن قوسا العاندا كوميسسيا مۇشەلەرىنىڭ جالپى سانىنىڭ كەمىندە ۇشتەن ەكىسى قاتىسقان جاعدايدا جۇرگىزىلەدى. وتىرىسقا قىزمەتىنە كوميسسيا باعالاۋ جۇرگىزەتىن بايقاۋ كەڭەسىنىڭ مۇشەسى قاتىسادى. 9. حاتشى كوميسسيا مۇشەلەرىنە, بايقاۋ كەڭەسىنىڭ مۇشەسىنە كوميسسيا وتىرىسىن وتكىزۋ ورنى جانە ۋاقىتى تۋرالى جازباشا تۇردە حابارلايدى. 10. كوميسسيا وتىرىسىنىڭ قورىتىندىسى بويىنشا كوميسسيا مۇشەلەرى مەن ونىڭ حاتشىسى قول قوياتىن وتىرىس حاتتاماسى جاسالادى. 11. كوميسسيا شەشىمىمەن كەلىسپەگەن جاعدايدا, كوميسسيانىڭ كەز كەلگەن مۇشەسى جازباشا تۇردە كوميسسيا وتىرىسىنىڭ حاتتاماسىنا قوسا بەرىلەتىن ەرەكشە پىكىر بىلدىرەدى. كوميسسيا مۇشەسى بولماعان جاعدايدا كوميسسيا وتىرىسىنىڭ حاتتاماسىندا ونىڭ بولماۋ سەبەبى مەن وسى فاكتىنى راستايتىن قۇجاتقا سىلتەمە كورسەتىلەدى. 12. بايقاۋ كەڭەسى مۇشەسىنىڭ قىزمەتىن باعالاۋ مىناداي تۇردە جۇرگىزىلەدى: 1) كوميسسيانىڭ بايقاۋ كەڭەسى مۇشەسىنىڭ جىلدىق ەسەبىن قاراۋى; 2) كوميسسيا مۇشەلەرىنىڭ بايقاۋ كەڭەسى مۇشەسىنىڭ قىزمەتىنە بالدىق جۇيە بويىنشا باعالاۋ جۇرگىزۋى; 3) كوميسسيانىڭ بايقاۋ كەڭەسى مۇشەسىنىڭ قىزمەتىن باعالاۋدى قورىتىندىلاۋى. 13. بايقاۋ كەڭەسى مۇشەسىنىڭ جىلدىق ەسەبىندە مىناداي اقپارات قامتيدى: بايقاۋ كەڭەسىنىڭ جۇمىسىنا قاتىسۋ; مەملەكەتتىك كاسىپورىننىڭ بايقاۋ كەڭەسىنىڭ وتىرىسىنا بايقاۋ كەڭەسىنىڭ مۇشەسى دايىنداعان ماسەلەلەر, سونداي-اق ولار بويىنشا قابىلدانعان شەشىمدەر, بايقاۋ كەڭەسىنىڭ مۇشەسى بەرگەن, قابىلدانعان شەشىمدەردىڭ مەملەكەتتىك كاسىپورىن قىزمەتىنە ۇلەسى, سونداي-اق مەملەكەتتىك كاسىپورىننىڭ قىزمەتىن جەتىلدىرۋ بويىنشا بايقاۋ كەڭەسى مۇشەسىنىڭ ىسكە اسىرىلعان ۇسىنىستارىنىڭ اسەرى; مەملەكەتتىك كاسىپورىندى دامىتۋ بويىنشا تۇجىرىمدار مەن ۇسىنىستار. 14. ەسەپتەردى تىڭداۋ قورىتىندىسى مەن مۇنداي ەسەپتەردە ايقىنسىزدىقتاردىڭ تۋىنداۋى بويىنشا كوميسسيا مۇشەلەرى بايقاۋ كەڭەسىنىڭ مۇشەسىنە جانە مەملەكەتتىك كاسىپورىن باسشىسىنا سۇراقتار قويادى. 15. بايقاۋ كەڭەسى مۇشەسىنىڭ قىزمەتىن باعالاۋ ءۇشىن كوميسسيا مۇشەلەرى مىناداي بالداردى قولدانادى: 0; 0,5; 1; 1,5; 2; 3. 16. القالىق تالقىلاۋ ناتيجەسى بويىنشا كوميسسيا مۇشەلەرى مەملەكەتتىك كاسىپورىننىڭ بايقاۋ كەڭەسى مۇشەسىنىڭ قىزمەتىن قورىتىندى باعالاۋ پاراعىندا وسى قاعيدالارعا قوسىمشاعا سايكەس نىسان بويىنشا بالل قويادى جانە بالداردىڭ جالپى سوماسىن شىعارادى. 17. مەملەكەتتىك كاسىپورىننىڭ بايقاۋ كەڭەسى مۇشەسىنىڭ قىزمەتىن قورىتىندى باعالاۋ پاراعىندا ونىڭ قىزمەتىنىڭ نەگىزگى كورسەتكىشتەرىنىڭ تىزبەسى قامتىلادى. 18. بايقاۋ كەڭەسى مۇشەسىنىڭ قىزمەتىن قورىتىندى باعالاۋ پاراعىنا كوميسسيا توراعاسى, ونىڭ ورىنباسارى, كوميسسيا مۇشەلەرى جانە حاتشى قول قويادى. 19. بايقاۋ كەڭەسى مۇشەسىنىڭ قىزمەتىنە باعالاۋ جۇرگىزۋ قورىتىندىسى جالپى بالدار سوماسىنا نەگىزدەلەدى: 10-نان 12 بالعا دەيىن – بايقاۋ كەڭەسىنىڭ مۇشەسى مەملەكەتتىك كاسىپورىن قىزمەتىنىڭ ماسەلەلەرى بويىنشا قۇزىرەتتى, مەملەكەتتىك كاسىپورىننىڭ جانە ءتيىستى سالانىڭ ۋاكىلەتتى ورگانىنىڭ (جەرگىلىكتى اتقارۋشى ورگاننىڭ) مۇددەسىندە بايقاۋ كەڭەسىندە وزىنە جۇكتەلگەن فۋنكتسيالاردى شەبەرلىكپەن ورىندايدى; 4,5-دان 7,5 بالعا دەيىن – بايقاۋ كەڭەسىنىڭ مۇشەسى مەملەكەتتىك كاسىپورىن قىزمەتىنىڭ ماسەلەلەرى بويىنشا قۇزىرەتتى, بىراق مەملەكەتتىك كاسىپورىن تۋرالى نەگىز قالاۋشى شەشىمدەر قابىلداۋعا بەلسەندى قاتىسپايدى; 0-دەن 4 بالعا دەيىن – وزىنە جۇكتەلگەن مىندەتتەرگە ادال قارامايدى. 20. ءتيىستى سالانىڭ ۋاكىلەتتى ورگانىنىڭ (جەرگىلىكتى اتقارۋشى ورگاننىڭ) وكىلى نەمەسە مەملەكەتتىك كاسىپورىن باسشىسى بولىپ تابىلاتىن بايقاۋ كەڭەسىنىڭ مۇشەسىن باعالاۋدى ءتيىستى سالانىڭ ۋاكىلەتتى ورگانىنا (جەرگىلىكتى اتقارۋشى ورگانعا) كوميسسيا مالىمەت ءۇشىن جولدايدى. 21. بايقاۋ كەڭەسى مۇشەسىن باعالاۋ ناتيجەلەرى تۋرالى ەسەپتى ءتيىستى سالانىڭ ۋاكىلەتتى ورگانى (جەرگىلىكتى اتقارۋشى ورگان) بايقاۋ كەڭەسىنىڭ مۇشەسىنە وتكەن جۇمىس كەزەڭىنە سىياقى مولشەرىن ايقىنداۋ كەزىندە قولدانادى جانە جينالعان بالل سانىن نەگىزگە الىپ ايقىندايدى: 4,5-تەن 10 بالعا دەيىن – سىياقى مولشەرى مىناداي فورمۋلا بويىنشا ايقىندالادى: S=N*10%, مۇندا: S – سىياقى مولشەرى (پايىزبەن) ءتيىستى سالانىڭ ۋاكىلەتتى ورگانى (جەرگىلىكتى اتقارۋشى ورگان) ايقىندايتىن بايقاۋ كەڭەسىنىڭ مۇشەلەرىنە سىياقى تولەۋ ليميتىنە پروپورتسيونالدى; N – بالل سانى; 0-دەن 4-كە دەيىنگى بالل – كوميسسيا شەشىمىنىڭ نەگىزىندە نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10503 تىركەلگەن قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 20 اقپانداعى № 113 بۇيرىعىمەن بەكىتىلگەن بايقاۋ كەڭەسىنىڭ مۇشەلەرىن كونكۋرستىق ىرىكتەۋ جانە ولاردىڭ وكىلەتتىگىن مەرزىمىنەن بۇرىن توقتاتۋ قاعيدالارىنىڭ (بۇدان ءارى - كونكۋرستىق ىرىكتەۋ قاعيدالارى) بايقاۋ كەڭەسى مۇشەلەرىنىڭ وكىلەتتىكتەرىن مەرزىمىنەن بۇرىن توقتاتۋعا سايكەس كەيىننەن ءراسىمدى وتكىزۋمەن تولەنبەيدى. 3. بايقاۋ كەڭەسىنىڭ مۇشەلەرىنە سىياقى تولەۋ ءليميتىن ايقىنداۋ ءتارتىبى 22. ءتيىستى سالانىڭ ۋاكىلەتتى ورگانى (جەرگىلىكتى اتقارۋشى ورگان) تازا تابىستىڭ بەلگىلەنگەن بولىگىن بيۋدجەتكە اۋدارعاننان كەيىن شارۋاشىلىق جۇرگىزۋ قۇقىعىنداعى مەملەكەتتىك كاسىپورىننىڭ بيلىگىندە قالعان تازا تابىستىڭ ءبىر بولىگىنىڭ بەس پايىزىنان اسپاۋى ءتيىس شارۋاشىلىق جۇرگىزۋ قۇقىعىنداعى مەملەكەتتىك كاسىپورىندارداعى بايقاۋ كەڭەسىنىڭ مۇشەلەرىنە سىياقى ءليميتىن ايقىندايدى. كونكۋرستىق ىرىكتەۋ قاعيدالارىنا سايكەس سايلاناتىن بايقاۋ كەڭەسىنىڭ مۇشەلەرى اراسىندا بايقاۋ كەڭەسىنىڭ مۇشەلەرىنە ايقىندالعان سىياقى تولەۋ ءليميتى وسى قاعيدالاردىڭ 22-تارماعىنا سايكەس بولىنەدى. 23. شارۋاشىلىق جۇرگىزۋ قۇقىعىنداعى مەملەكەتتىك كاسىپورىننىڭ بايقاۋ كەڭەسىنىڭ مۇشەلەرىنە سىياقى تولەۋ شارۋاشىلىق جۇرگىزۋ قۇقىعىنداعى مەملەكەتتىك كاسىپورىننىڭ ءبىر جىلدىڭ جۇمىس قورىتىندىسى بويىنشا قارجى-شارۋاشىلىق قىزمەتىنىڭ وڭ ناتيجەسى بولعان كەزدە جۇزەگە اسىرىلادى. 24. شارۋاشىلىق جۇرگىزۋ قۇقىعىنداعى مەملەكەتتىك كاسىپورىننىڭ باسشىسىنا, سونداي-اق مەملەكەتتىك قىزمەتشى بولىپ تابىلاتىن بايقاۋ كەڭەسىنىڭ مۇشەلەرىنە سىياقى تولەنبەيدى. بايقاۋ كەڭەسى مۇشەلەرىنىڭ قىزمەتىن باعالاۋ جانە بايقاۋ كەڭەسىنىڭ مۇشەلەرىنە سىياقى تولەۋ ءليميتىن ايقىنداۋ قاعيدالارىنا قوسىمشا نىسان 20___ جىلعى بايقاۋ كەڭەسى مۇشەلەرىنىڭ قىزمەتىن باعالاۋ پاراعى* تەگى, اتى, اكەسىنىڭ اتى (ول بولعان كەزدە) ______________ ۇيىم ___________________________________________________ ر/س № كورسەتكىشتەر تۇسىندىرمە بالل 1 2 3 4 1. بايقاۋ كەڭەسى مۇشەسىنىڭ فۋنكتسيونالدىق مىندەتتەرىن ورىنداۋى بايقاۋ كەڭەسىنىڭ مۇشەسى وزىنە جۇكتەلگەن مىندەتتەردى تولىق كولەمدە ورىندادى جانە بايقاۋ كەڭەسىنىڭ قۇزىرەتى شەڭبەرىندە بايقاۋ كەڭەسىنىڭ ءاربىر وتىرىسىندا كەمىندە ءبىر ۇسىنىس ەنگىزدى 2 بايقاۋ كەڭەسىنىڭ مۇشەسى وزىنە جۇكتەلگەن مىندەتتەردى ادال ورىندادى, بىراق بايقاۋ كەڭەسىنىڭ قۇزىرەتىنە جاتپايتىن ۇسىنىستار ەنگىزدى 1 بايقاۋ كەڭەسىنىڭ مۇشەسى وزىنە جۇكتەلگەن مىندەتتەردى ادال ورىندامادى جانە قانداي دا ءبىر ۇسىنىستار ەنگىزگەن جوق 0 2. بايقاۋ كەڭەسى مۇشە­سى­نىڭ مەملەكەتتىك كاسىپ­ورىننىڭ بايقاۋ كەڭەسى وتىرىستارىنا قاتىسۋى بايقاۋ كەڭەسىنىڭ مۇشەسى بايقاۋ كەڭەسىنىڭ بارلىق وتىرىستارىنا قاتىستى 1 بايقاۋ كەڭەسىنىڭ مۇشەسى بايقاۋ كەڭەسىنىڭ وتىرىستارىنا 50 % جانە ودان كوپ قاتىستى, بىراق بايقاۋ كەڭەسىنىڭ بارلىق وتىرىستارىنا قاتىسقان جوق 0,5 بايقاۋ كەڭەسىنىڭ مۇشەسى بايقاۋ كەڭەسىنىڭ وتىرىستارىنا قاتىسقان جوق 0 3. بايقاۋ كەڭەسى مۇشەسىنىڭ مەملەكەتتىك كاسىپورىننىڭ بايقاۋ كەڭەسىنە شىعارىلاتىن ماسەلەلەردى تالقىلاۋعا قاتىسۋى بايقاۋ كەڭەسىنىڭ مۇشەسى قويىلعان ماقساتتارعا قول جەتكىزۋگە ىقپال ەتكەن جانە مەملەكەتتىك كاسىپورىننىڭ بايقاۋ كەڭەسى قابىلداعان مەملەكەتتىك كاسىپورىن قىزمەتىن جەتىلدىرۋدىڭ جاڭا شەشۋ جولدارىن ۇنەمى ەنگىزدى 3 بايقاۋ كەڭەسىنىڭ مۇشەسى مەملەكەتتىك كاسىپورىن قىزمەتىن جەتىلدىرۋدىڭ قاعيداتتى جاڭا شەشۋ جولدارىن قامتىمايتىن جانە مەملەكەتتىك كاسىپورىننىڭ بايقاۋ كەڭەسى قابىلداماعان ۇسىنىستاردى ەنگىزدى 1,5 بايقاۋ كەڭەسىنىڭ مۇشەسى قويىلعان ماقساتتارعا جەتۋگە تۇرتكى بولاتىنداي جاڭاشىل ۇسىنىستار ەنگىزگەن جوق 0 4. بايقاۋ كەڭەسى مۇشە­سى­نىڭ تالقىلاۋ بارى­سىن­دا قاجەتتىلىگى تۋىن­داعان مەملەكەتتىك كاسىپ­ورىننىڭ بايقاۋ كەڭە­سىنە شىعارىلاتىن ماسە­­لەلەر بويىنشا قوسىم­شا ماتەريالدار دايىنداۋى بايقاۋ كەڭەسىنىڭ مۇشەسى دايىنداعان ماتەريالدار ساپالى بولدى, قارالاتىن ماسەلەلەر بويىنشا دۇرىس جانە نەگىزدى شەشىم قابىلداۋ ءۇشىن ناقتى نەگىزدەمەلەرى بار, تولىق كولەمدە ۇسىنىلدى 1 بايقاۋ كەڭەسىنىڭ مۇشەسى دايىنداعان ماتەريالداردىڭ شەشىم قابىلداۋ ءۇشىن نەگىزدەمەلەرى جەتكىلىكسىز بولدى 0,5 بايقاۋ كەڭەسىنىڭ مۇشەسى بايقاۋ كەڭەسىنىڭ قاراۋىنا ماتەريالدار ۇسىنبادى 0 5. ناتيجەسىندە مەملەكەتتىك كاسىپورىن ءۇشىن ءتيىمدى بولعان بايقاۋ كەڭەسى مۇشەسىنىڭ باستامالارى مەملەكەتتىك كاسىپورىن بايقاۋ كەڭەسىنىڭ مۇشەسى باستاما جاساعان ۇسىنىستاردى ىسكە اسىرۋدان بەلگىلى ءبىر پايدا الدى نەمەسە الادى 3 مەملەكەتتىك كاسىپورىن بايقاۋ كەڭەسىنىڭ مۇشەسى باستاما جاساعان ۇسىنىستاردى ىسكە اسىرۋدان بەلگىلى ءبىر پايدا العان جوق نەمەسە المايدى 1,5 بايقاۋ كەڭەسىنىڭ مۇشەسىنەن باستاماشىلىق ۇسىنىستار جىل بويى تۇسكەن جوق نەمەسە بايقاۋ كەڭەسىنىڭ مۇشەسى باستاما جاساعان ۇسىنىستاردى ىسكە اسىرۋ مەملەكەتتىك كاسىپورىننىڭ قىزمەتىنە كەرى اسەر ەتتى 0 جيىنى كوميسسيا توراعاسى ___________________________________________________________ (تەگى, اتى, اكەسىنىڭ اتى (ول بولعان كەزدە), قولى, كۇنى) كوميسسيا توراعاسىنىڭ ورىنباسارى _____________________________________________ (تەگى, اتى, اكەسىنىڭ اتى (ول بولعان كەزدە), قولى, كۇنى) كوميسسيا مۇشەلەرى ___________________________________________________________ (تەگى, اتى, اكەسىنىڭ اتى (ول بولعان كەزدە), قولى, كۇنى) كوميسسيا حاتشىسى ____________________________________________________________ (تەگى, اتى, اكەسىنىڭ اتى (ول بولعان كەزدە), قولى, كۇنى) ەسكەرتپە: *باعالاۋ بايقاۋ كەڭەسى وتىرىسىنىڭ حاتتامالارى نەگىزىندە جۇرگىزىلەدى. وتىرىس حاتتامالارىندا وتىرىستىڭ جۇرگىزىلۋ بارىسى, سونداي-اق كۇن ءتارتىبى مەن بايقاۋ كەڭەسىنىڭ وتىرىسىنا شىعارىلاتىن ماسەلەلەر بويىنشا جازباشا تۇردە باياندالعان بايقاۋ كەڭەسىنىڭ وتىرىسىنا بايقاۋ كەڭەسى مۇشەلەرىنىڭ ەسكەرتۋلەرى مەن ۇسىنىستارى قامتىلۋى ءتيىس. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 18 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10499 بولىپ ەنگىزىلدى.